Borðaði demantshring
Fyrst birt: 17.05.2012 22:11, Síðast uppfært: 17.05.2012 23:20
Flokkar: Erlent, Dóms- og lögreglumál
Maður er í haldi lögreglunnar í Windsor í Kanada, grunaður um að hafa gleypt demantshring sem er metinn á meira tvær og hálfa milljón króna. Hann sást á öryggismyndavél í skartgripaverslun þar sem hann virtist skipta á hringnum og eftirlíkingu.
Maðurinn stakk síðan alvöru hringnum upp í sig og gleypti. Hann hefur nú verið í haldi í viku og er látinn borða trefjaríka fæðu í fangelsinu en hringurinn hefur enn ekki skilað sér. Að sögn lögreglu er maðurinn samvinnufús og vill ljúka málinu sem allra fyrst.
Ertu með athugasemd vegna fréttarinnar? Sendu á frettir@ruv.is
